¿Qué pretendemos?
| ¿Qué é unha anpa? | ¿Qué
é unha federación comarcal de anpas? | ¿Qué
é un consello escolar? | Estatutos
¿Quén somos?
Somos unha federación comarcal, na que estamos
integrados tódalas anpas centros de ensino da Estrada, asicomo, o I.E.S.
Chano Piñeiro de Forarei e o C.E.I.P. Don Aurelio de Cuntis; é
o noso interés que pasen a formar parte da mesma os outros centros de
ensino de Forcarei e de Cerdedo.
A Xunta Directiva desta Federación Comarcal
está composta polos seguintes membros:
-Presidenta: Consuelo Porto Puente
-Vicepresidente: Antonio Castroagudín
Costas
-Secretario: José Miguel Vela
Esteban
-Tesoureira: María Luz Rey Pazos
-Vocais: Tódolos Presidentes
das Anpas integrantes da Federación; máis outro calquera dos membros
da súa Xunta Directiva.
¿Qué
pretendemos?
Pretendemos obter unha mellora na educación
pública -a de nosos fillos/as-, a través da constante información
e unión de vontades. Como botón de mostra publicamos este
pequeno informe para aclarar algunhas dúbidas respecto a cuestións
coma as seguintes:
(pulsa para subir)
¿Qué é
unha anpa?
É unha asociación que constituen
os pais, nais e titores nos centros docentes cas seguintes finalidades:
-
Asistir ós pais/nais ou titores en todo aquelo que atinxe á
educación de seus fillos ou pupilos.
-
Colaborar nas actividades educativas dos centros.
-
Promove-la participación dos pais/nais de alumnos no exercicio de
seu dereito, e intervir no control e xestión dos centros sostidos
con fondos públicos.
-
Facilita-la representación e a participación dos pais/nais
de alumnos nos consellos escolares dos centros públicos e concertados,
se é o caso.
-
Calquera outras que, dentro da normativa vixente, lle asignen os seus respectivos
estatutos.
(Artígo número 5 da Orde de 16 de xaneiro de 1987 -D.O.G.
do 22-01-1987)
As actuacións da anpa en relación
co centro educativo poden ser as seguintes:
-
Propoñer un representante seu para formar parte do consello escolar
do centro.
-
Elevarlle propostas o consello escolar para a elaboración do proxecto
educativo e ó equipo directivo para elaboración da programación
xeral anual.
-
Informar ó consello escolar daqueles aspectos da marcha do centro
que considere oportuno.
-
Informar ós asociados da súa actividade.
-
Recibid información, a través dos seus representantes no
consello escolar, sobre os temas tratados nel.
-
Elaborar informes para o consello escolar a iniciativa propia ou a petición
deste.
-
Elaborar propostas de modificación do regulamento de réxime
interior.
-
Formular propostas para a realización de actividades complementarias
e extraescolares que, unha vez aceptadas, deberán firgurar na programación
xeral
anual.
-
Coñece-los resultados académicos referidos ó centro,
e a valoración que deles realice o consello escolar.
-
Recibir un exemplar da programación xeral anual, do proxecto educativo,
dos proxectos curriculares de etapa e das súas modificacións.
-
Recibir información sobre os libros de texto e os materiales didácticos
adoptados polo centro.
-
Fomenta-la colaboración entre tódolos membros da comunidade
educativa.
-
Facer uso das instalacións do centro nos termos que establezca o
consello escolar, de acordo coa lexislación vixente.
Para educación infantil e primaria (Decreto 374/1996, do 17 de octubro
-D.O.G. do 21-10-1996); para educación secundaria (Decreto 324/1996,
do 26 de xullo -D.O.G. do 9-8-1996)
Toda anpa ten dereito a dispor dun local social
para o desenvolvemento das actividades internas, sempre que as disponibilidades
do centro o permintan (Artígo 10.3 da Orde de 16 de xaneiro de 1987
-D.O.G. do 22-1-1987)
(pulsa para subir)
¿Qué é
unha federación comarcal de anpas?
É a posibilidade que ten as anpas para mellora-las
súas actuacións e potencia-la presencia dos pais/nais diante
dos distintos órganos da administración educativa (Artígo
9 da Orde do 16 de xaneiro de 1987 -D.O.G. do 22-1-1987)
En esa liña os nosos obxectivos primordiais
son a defensa dun ensino público de calidade para os nosos fillos;
así como, coordinar recursos, estimular actividades, compartir experiencias,
etc.
(pulsa para subir)
¿Qué é
un consello escolar?
O consello escolar é o órgano a través
do cal participan na xestión do centro os distintos membros da comunidade
escolar.
Hai que ter en conta que o consello escolar
é o responsable entre outras funcións de:
-
Establecer directrices, aprobar e avaliar o proxecto educativo do centro.
-
Elexi-lo director do centro, e propoñe-la revocación deste.
-
Decidir sobre a admisión de alumnos.
-
Aprobar e modificar o regulamento de réxime interno do centro.
-
Aproba-lo orzamento e a programación anual.
-
Aproba-la programación das actividades escolares complementarias.
-
Vixia-la conservación do centro, renovación, equipamento,
etc.
Colocamos aquí un enlace a unha páxina onde se fala
da "Normativa legal básica para la organización
y funcionamiento de El Consejo Escolar en las Escuelas Públicas
de Educación Infantil y en los Colegios de Educación Primaria".
Podrás acceder a ela pinchando
aquí.
(pulsa para subir)
Estatutos
1. CONSTITUCIÓN,
DENOMINACIÓN E FINS
2. DOMICILIO,
ÁMBITO TERRITORIAL E ÁMBITO FUNCIONAL
3. ÓRGANOS
DE GOBERNO
4. DOS MEMBROS
DA FEDERACIÓN
5. RÉXIME
ECONÓMICO OU PATRIMONIO FEDERAL
6. DISOLUCIÓN
7. INCOMPATIBILIDADES
8. DISPOSICIÓN
FINAL
FANPAS “NORTE” (FEDERACIÓN COMARCAL
DE ASOCIACIÓNS DE NAIS E PAIS DE ALUMNOS DO NORTE DE PONTEVEDRA)
1. CONSTITUCIÓN, DENOMINACIÓN
E FINS
Artigo 1. Constitúese a Federación
Comarcal de Asociacións de Nais e Pais de Alumnos do Norte de Pontevedra,
FANPAS “NORTE”, ó amparo da vixente Ley en materia asociativa.
Artigo 2. Serán fins desta Federación:
2.1 A. Esixir ante os órganos competentes da Aministración
que se cumpran as Leis relativas á Educación, entendendo
esta como Dereito Humano de carácter fundamental.
B. Representar e defender os dereitos e intereses das Asociacións
que a integran.
C. Coadxuntar á acción das Asociacións integrantes,
para o mellor desenrolo dos seus fins, individual ecolectivamente.
D. Coordinar e unificar esforzos encamiñados a promover actividades
de proxección socio-cultural-deportiva no seu ámbito teritorial
ou en colaboración con outras Federacións e Confederacións.
E. Servir de moderadora entre as Asociacións, sexan ou non membros
da mesma, nos problemas que entre elas poidan xurdir.
F. Promover a integración na Federación de tódalas
Asociacións de Nais e Pais de Alumnos non federadas e que radiquen
no seu ámbito territorial.
G. Calquera outra actividade comprendida nesta clase de Federacións,
como poder arbitrar medios económicos para axudar ós seus
integrantes, ó obxecto de que poidan desenrolar máis e mellor
as súas actividades.
2.2 En ningún caso pederán ampararse dentro dos fins
da Federación actividades contrarias ás Leis ou á
boa marcha da ensinanza.
2.3 Esta Federación é independente dos Partidos políticos
e os que se integren nela fano únicamente en función das
súas obrigas como nais ou pais e como cidadáns, pero ninguén
poderá ser excluído dela por ideoloxía política
ou pola súa concepción filosófica ou relixiosa da
vida.
(pulsa para subir ó índice de Estatutos)
2. DOMICILIO, ÁMBITO TERRITORIAL
E ÁMBITO FUNCIONAL
Artigo 3. Domicilio: A Federación
terá o seu domicilio no Centro Escolar máis equidistante
de tódolos demáis e que reúna as mellores condicións;
en tanto non se dispoña doutro propio.
Artigo 4. Ámbito territorial: O
ámbito territorial de actuación serán os Concellos
da Comarca Tabeirós-Terra de Montes e limítrofes
Artigo 5. Ámbito funcional: O resultado
das accións que desenrole a Federación será aplicable
de modo prefe-rente ós Centros docentes públicos non universitarios.
(pulsa para subir ó índice de Estatutos)
3. ÓRGANOS DE GOBERNO
Artigo 6. A Federación estará rexida
polos seguintes órganos:
1º ASAMBLEA XERAL
2º XUNTA DIRECTIVA
Artigo 7
1-
A Asamblea Xeral é o órgano supremo, expresivo da vontade
da Federación. Forman parte integrante da mesma tódalas
Asociacións federadas en réxime de igualdade de dereitos.
A Asamblea Xeral estará formada por:
A. A Xunta Directiva de Federación
B. Os Presidentes de tódalas Asociacións federeadas, máís
dous membros da Xunta Directiva de ca- da unha delas, designados a tal
efecto polas mesmas. No caso de que algún dos representantes
non poida asistir, a Asociación nomeará un suplente que,
legalmente autorizado polo seu Presidente, formará parte da Asamblea.
As Asambleas Xerais poden ser Ordinarias e Extraordinarias.
C. Poderán asistir, con voz pero sen voto, os representantes
doutras ANPAS, ademáis de calquera membro das asociacións
que forman a Federación.
2- Reunirase en sesión ordinaria mínimo dúas
veces ó ano.
3- A Asamblea Xeral extraordinaria reunirase cando o xulgue a Xunta
Directiva ou por solicitude escrita dun 30% dos membros da Federación.
4- Para que as sesións sexan válidas en primeira convocatoria
precísase:
A. Que se convoque cun mínimo de antelación de oito
días á data da celebración, debendo indicar o lugar,
día, hora e orde do día.
B. Que asistan á mesma, presentes ou representados, a metade
máis un dos representantes. En segunda convocatoria os acordos
tomados na sesión son válidos, calquera que sexa o número
de asistentes. Estas condicións son imprescindibles tanto
para as sesións ordinarias como para as extraordinarias; a excepción
do prazo da convocatoria destas últimas, que poderá ser de
corenta e oito horas.
5- Corresponden á Asamblea Xeral as seguintes facultades:
A. A modificación dos Estatutos.
B. A elección, de entre os socios das Asociacións federadas,
de candidatos a formar parte da Xunta Directiva ou de Comisións
Executivas de federacións e confederacións ás que
pertenezca esta Federación. Pasando a integrarse na Xunta
Directiva, no caso de ser elexidos nas federacións ou confe- deracións
correspondentes, en calidade de representantes das mesmas.
C. A elección, de entre os membros de Asociacións federadas,
da Xunta Directiva da Federación; deixando a salvo o especificado
no apartado anterior.
D. Liquidación e aprobació dos presupostos xerais.
E. A fixación das cuotas ordinarias e extraordinarias que
han de satistacer as Asociacións federadas.
F. A disolución da Federación.
G. O voto de censura a todos ou algún dos compoñentes da
Xunta Directiva da Federación; a aprobación da cal,
en asamblea extraordinaria, convocada ó efecto, supón a perda
do cargo ou representación exercida polos afectados.
H. Calquera outro cometido que lle atribúan os Estatutos.
6- As decisións da Asamblea serán tomados por maioría
simple (a metade máis un dos votos emitidos), excepto nos casos
previstos nos Estatutos. A votación será secreta ou
a man alzada, según o decida a Asamblea.
En votación a man alzada, tódolos
integrantes da Asamblea terán voz, pero só disporán
de voto os pertene-centes á mesma en condición de representantes
das Asociacións federadas (artº 7.1.b).
7- A Asamblea Xeral da Federación, válidamente constituída,
é o órgano supremo da mesma e os acordos adoptados con arregro
ós Estatutos obrigan ós seus membros.
8- A Asamblea estará presidida polo Presidente da Federación,
acompañado na mesma polos membros da Xunta Directiva.
9- A orde do día da Asamblea, tanto ordinaria coma extraordinaria,
faraa a Xunta Directiva, recollendo as propostas e suxerencias das Asociacións
integrantes, feitas por escrito e presentadas quince días antes
da data de celebración.
10-
As cuestións que xurdan fóra da orde do día poderán
ser tratadas na Asamblea sempre que esta decida, por votación, a
conveniencia de facelo nesa Asamblea. Os votos favorables terán
que sumar os dous tercios dos asistentes.
Artigo 8. Xunta Directiva: É
o órgano executivo da Federación, encargado de velar pola
execución dos acordos tomados en Asamblea Xeral, como órgano
supremo de decisión.
1- A Xunta Directiva estará formada por: Presidente/a,
Vicepresidente/a, Tesoureiro/a, Secretario/a, Vicesecretario/a, os/as Vocais
que se consideren necesarios e os Representantes da Federación en
Xuntas Directivas, Comisións Executivas de federacións ou
confederacións de ámbito territorial ou funcional superior,
contempladas no artº 7.5.b.
2- Cada Xunta directiva, durante o seu mandato, deberá nomear
ós responsables das respectivas vocalías.
3- A Xunta Directiva, como mandatario da Asamblea, ten a obriga de
executar os acordos adoptados por esta. Estará facultada ademais
para decidir sobre aquelas cuestións que, pola súa urxencia,
non poidan levarse á Asamblea, tendo ao seu cargo a xestión
legal e os trámites das actividades da Federación, tendo
que render contas de todo iso na primeira Asamblea que se celebre.
4- Os cargos da Xunta Directiva durarán dous anos e poderán
ser reelexidos sucesivamente na súa totalidade. Non obstante,
os representantes da Federación en Xuntas Directivas ou Comisións
Executivas de Federaricóns ou Confederacións de ámbito
funcional ou territorial superior adaptaránse no seu caso ás
normas Estatutarias da Federación ou Confederación respectiva.
5- A Xunta Directiva tomará posesión dos seus cargos en Asamblea
Xeral Ordinaria, mediante acta que se asinará polos membros da Xunta
que cese. Se algún dos nomeados non puidese tomar posesión
do seu cargo por calquera circunstancia, será substituído
polo representante ó que substituíse durante un mes como
máximo. Pasado este prazo, no caso de non poder incorporarse
o novo representante, a Xunta Directiva convocará novas eleccións
para cubrir este posto nun prazo non superior a quince días seguintes
de cumprido este mes de prazo. De todo isto será preciso levantar
unha acta, debendo o Secretario enviar unha copia da mesma ás Asociacións
integrantes da Federación.
6- A Xunta Directiva poderá designar ponencias integradas por varios
membros da Federación e presididas por un destes ou por un cargo
da Xunta para realizar plans e actividades determinandas.
7- Os acordos da Xunta Directiva tomaránse por maioría
dos presentes, decidindo o voto do Presidente no caso de empate.
8- Son funcións da Xunta Directiva:
A. Decidir a entrada de novos socios, de acordo co disposto nos Estatutos.
B. Convocar as Asambleas e redactar a orde do día. C. Propoñer
á Asamblea para que sexa aprobado, se procede, o presuposto anual,
o balance do exercicio e o programa de actividades realizadas, así
como o do exercicio seguinte.
D. Presentar á Asamblea tódalas cuestións ou problemas
que pola súa importancia teñan que decidise nela.
E. Decidir sobre os acordos e iniciativas que sometan á súa
consideración as Asociacións ou Comisións de Traballo.
F. Facer chegar a tódalas asociacións, a través dos
seus representantes, tódalas publicacións ou traballos que
faga a Federación.
G. Supervisar o funcionamiento da administración da Federación.
H. Orientar a actuación dos Representantes da Federación
en Xuntas Directivas ou Comisións Executivas de Federacións
ou Confederacións de ámbito funcional ou territorial superior,
segundo as directrices emanadas da Asamblea Xeral.
Artigo 9. Idioma: O idioma oficial da Federación
será o galego. Os Estatutos redactaránse en galego.
Artigo 10. Corresponde ó Presidente/a:
1- Ser o representante legal e oficial da Federación en tódalas
actividades.
2- Presidir as Asambleas.
3. Ordenar os pagos da Federación. Así como poder
dispoñer dos fondos da Federación Comarcal de forma
indistinta cos outros membros autorizados ó efecto.
4. Estar informado das cuestións da administración.
5. Asinar as comunicacións oficiais da Federación e
dar o Visto e Prace, como representante legal que é da Federación,
a tódolos comunicados públicos das comisións de traballo.
As circulares que traten de cuestións estrictas de organización
e trámite e que correspondan á administración non
necesi- tan levar sinatura do Presidente.
6. Impulsar e dirixir a actuación da Federación.
Artígo 11. Corresponde á
Vicepresidencia:
1- Asumir as funcións do Presidente por ausencia ou cese deste,
así como por delegación, expresa e por escrito, do Presidente.
2- Poderá dispoñer dos fondos da Federación Comarcal
de forma indistinta cos outros membros autorizados ó efecto.
Artigo 12. Corresponde ó Secretario/a:
1- Asistir como tal ás Asambleas e reunións da Xunta
Directiva.
2- Recoller as suxerencias das Asociacións e preparar as reunións
da Asamblea ou Xunta Directiva, elaborando a Orde do Día; así
como, redactar as Actas e asinalas conxuntamente có Presidente.
3- Asinar as circulares e demáis comunicacións de organización
e trámite.
4- Dirixir os traballos do presoal administrativo da Federación,
se o houbese. Hoja 4/6
5- Levar os libros de rexistro dos membros nos que fará constar:
nome, domicilio e número de inscripción no rexistro de Asociacións,
así como todos aqueles libros e ficheros que sexan necesarios para
o bo funcionamento da Federación.
6- Elaborar a Memoria Anual da Federación, someténdoa
á aprobación da Xunta Directiva para a súa presentación
a Asamblea Xeral.
7- Redactar os documentos e certificacións que sexan necesarios,
autorizándoos có súa sinatura.
8- Cumprir os acordos que dentro do seu contido específico
lle confíe a Xunta Directiva.
Artigo 13. Corresponde ó Vicesecretario/a:
Normalmente fará as funcións de secretario adxunto e substituirá
ó
Secretario por ausencia ou cese deste.
Artigo 14. Corresponde ó Tesoreiro/a:
1- Recoller os ingresos de fondos da Federación nas contas
correntes ó efecto abertas en entidades finan-cieras e satisfacer
as obrigacións, as ordes de pagamento das cales estarán autorizadas
polo Presidente.
2- Asinar os comunicados propios do seu cargo.
3- Abrir as contas correntes bancarias acordadas pola Xunta Directiva.
Das cales poderá dispoñer dos fondos da Federación
Comarcal de forma indistinta cos outros membros autorizados ó efecto.
Para dispoñer dos fondos só será
necesaria unha das sinaturas dos membros autorizados nestas Escrituras
(Presidente/a, Vicepresidente/a ou Tesoreiro/a).
4- Confeccionar os presupostos de ingresos e gastos, así como
o balance anual, para sometelo á Asamblea Xeral despois da súa
revisión e aprobación pola Xunta Directiva.
(pulsa para subir ó índice de Estatutos)
4. DOS MEMBROS DA FEDERACIÓN
Artigo 15. Dos socios: Serán
socios da Federación tódalas Asociacións legalmente
constituídas e que solicitasen a súa Federación á
Xunta Directiva e sexa aprobada a súa integración pola Asamblea
Xeral.
Artigo 16. Corresponde ós socios:
1- Cumprir os Estatutos e acordos tomados pola Federación.
2- Pagar as cuotas federais.
3- Asistir ós actos da Federación e participar activamente
ou a través de propostas e mocións.
4- Votar nas Asambleas e exercer os cargos para os que foren elixidos.
5- Ser atendidos e escoitados nas cuestións plantexadas que
entren dentro dos fins da Federación.
6- Beneficiarse de tódolos servicios que poida crear a Federación.
Artigo 17. Perda da condición de
socio:
1- Por baixa voluntaria, acordada en Asamblea Xeral da Asociación
integrante.
2- Por falta de pago, reiterado, das cuotas sociais fixadas pola
Federación.
3- Poderá ser porposto o cambio de representante/s de calquera Asociación
federada sempre que non cum-pra/n, con reincidencia, o establecido nos
Estatutos ou as misións que pola Asamblea Xeral se lle asignasen.
4- Ningunha Asociación integrante da Federación poderá
ser expulsada, salvo por incumprimento, con rein-cidencia, das decisións
adoptadas na Asamble Xeral, por maioría simple.
5. RÉXIME ECONÓMICO OU
PATRIMONIO FEDERAL
Artigo 18. Os fondos económicos
da Federación comporanse da seguinte forma:
1-
As cuotas dos membros.
2-
As cuotas extraordinarias.
3-
As subvencións de organismos oficiais ou privados.
4-
Os donativos e os ingresos que poida recibir por calquera outro concepto.
5-
O Patrimonio da Federación non poderá ser superior a dez
mil euros e o presuposto inicial non excederá de mil euros.
(pulsa para subir ó índice de Estatutos)
6. DISOLUCIÓN
Artigo 19. 1- A Federación
constitúese por tempo ilimitado, non obstante, poderá disolverse
en calquera momento por acordo da Asamblea Xeral, convocada expresamente
ó efecto. O acordo de dita Asamblea necesitará o voto
afirmativo das dúas terceiras partes dos membros presentes.No caso
de disolución actuará como Comisión Liquidadora a
última Xunta Directiva ou os membros pertencentes á Federación
que se asignen, segundo acordo da Asamblea Xeral, a cal procederá
a allear os bens federais e co seu producto extinguirá as cargas
da Federación, destinando o sobrante, se o houbese, a repartir,
en pates iguais, entre as Asociacións integrantes da Federación.
7. INCOMPATIBILIDADES
Artigo 20. Aqueles membros que, pola súa
profesión, puideran verse condicionados para cumprir as decisións
da Federación, poderán renunciar ó seu cargo ou nomeamento
da Xunta Directiva.
8. DISPOSICIÓN FINAL
Serán de aplicación supletoria
as normas da Lei de 24 de decembro de 1964 e demáis disposicións
concordantes.
(pulsa para subir ó comenzo da páxina)
